الرئيسية | ثقافة وفن | أغنية دنيا سمير غانم وعدد من ذوي الاحتياجات الخاصة

أغنية دنيا سمير غانم وعدد من ذوي الاحتياجات الخاصة

image

كلمات أغنية دنيا سمير غانم وعدد من ذوي الاحتياجات الخاصة اليوم أمام الرئيس السيسي بمركز المنارة بالتجمع الخامس .

 

ننشر كلمات أغنية "نفس الحروف" التي من المقرر أن تقدمها اليوم الأثنين 24 ديسمبر 2018 الفنانة دنيا سمير غانم ، بالمشاركة مع عدد من ذوي الاحتياجات الخاصة ، ضمن الاحتفالية باليوم العالمي للأشخاص ذوي الإعاقة الذهنية ، والمقرر أن تقام بمركز المنارة للمؤتمرات الدولية بالتجمع الخامس ، بحضور الرئيس عبد الفتاح السيسي .

 

الأغنية من تأليف محمد إبراهيم وهشام سليمان ، وألحان هشام جمال ، وتوزيع نادي .

 

وكلماتها كالتالي :

 

"محمود :

مين اللي قال .. في مشكله ف نطق الكلام

‏‎مين اللي قال .. إن التفاهم مش تمام

 

أحمد :

مين اللي قال .. إن احنا مش قد الظروف

مين اللي قال .. إن احنا نستسلم لخوف

 

نانسي :‏‎

ليه تحكموا بالشكل بس .. الله جمال .. خلق البشر بينهم فروق

خلق البشر بقلوب تحس .. وخلقني بينكو واداني كل الحقوق

 

عبد الرحمن :‏‎

ليه تحكموا بالشكل بس .. الله جمال .. خلق البشر بينهم فروق

خلق البشر بقلوب تحس .. وخلقني بينكو واداني كل الحقوق

 

دنيا سميرغانم :

انتوا الحياة وأملنا فيكوا .. لو مرة توهنا نبص بعيونكم نشوف

انتوا الحياة وبكره ليكوا .. وبعد الألم جاي الأمل .. الكلمتين نفس الحروف

 

عبد الرحمن :

أنا مش زيادة على الحياة .. أنا ليا دور لازم يتم

وعد إني بكرة اثبتلكم .. أنا قد إيه إنسان مهم

 

عبد الرحمن :‏‎

المستحيل مش في القاموس .. وأنا مش هسيب الحلم قبل ما أحققه

 

دنيا سمير غانم :

‏‎قصص التاريخ بتقول دروس عن اللي عاشوا بيحلموا وبيصدقوا

 

عبد الرحمن :

لو كل سور كان بعده سور .. أنا نفسي اطول من التعب ومن الطريق

شايف في أخر السكة نور

 

دنيا سمير غانم وعبد الرحمن :

بصبر واعافر كل مالأيام تضيق

 

دنيا وعبد الرحمن ونانسي وأحمد ومحمود :

انتوا الحياه وأملنا فيكوا .. لو مرة توهنا نبص بعيونكم نشوف

 

انتوا الحياة وبكرة ليكوا .. وبعد الألم جاي الأمل .. الكلمتين نفس الحروف

 

عبد الرحمن :

الدنيا محتاجه اننا.. لو يوم وقعنا أوام نقوم

 

دنيا :

 

ونعيش حياتنا كأننا

 

دنيا وعبد الرحمن :

بنتولد فيها كل يوم"