وعبر حسابه بموقع "إنستجرام" ، قال "فواز" : "محمد إزيك فعلا واحشني .. محمد رمضان الطموح الموهوب اللي قابلته في بداية الطريق ، محمد اللي لما عمل إحكي يا شهرزاد ، قابلني في موقف الإسعاف وقالي فواز أنا نازل أشوف صورتي على الأفيش (إحنا هنبقي نجوم جامدين يا له) بس إنت الأجمد دلوقتي" .

وأضاف : "واحشني محمد اللي كان بييجي يتفرج عليا في مسرح الشباب ويبدد بحماسه وطاقته التي لا تنضب بالأمل أي شعور بالإحباط عند أي حد بيشوفه ، محمد اللي واحشني هو محمد اللي في الصورة دي .. أنا حابب أحط الصورة دي أكتر من أي صورة تانية ليك دلوقتي ، لو الناس كلها قالت إنك إتغيرت ميخصنيش لإني عارف إنت مين وقد إيه كنت جدع معايا .. محمد اللي انت وصلتله ولسة هتوصله كمان فعلا تستاهله لإنك مميز وقبولك رباني" .

وتابع : "بس اسمحلي يا صاحبي العنيد وإللي أعرف عنه من زمان إن دماغه أنشف من الحجر ولا يسمع إلا عقله فقط ، أطلب منك أن تعيد النظر في إللي بيحصل عشان خاطر جمهورك الحقيقي الناس البسيطة والتي نصبتك ملكا متوجا على قلوبهم" .

واستطرد : "الناس اللي شافت فيك الأمل ، بص من منظارهم للحكاية .. بعيدا عن أي مزايدات فيه خطأ حصل وإللي حصل حصل وخلاص وانت كبير وناضج واب ورب اسرة وعارف ايه الصح وايه الغلط . لكن يا صاحبي الإعتذار من شيم الرجال ولا يقلل منك أبدا" .

واختتم رسالته لـ رمضان قائلًا : "فكر يا محمد عشان خاطر جمهورك الكبير وموهبتك ، محبش اشوف واحد بحبه بجد يدفع تمن فاتورة كبيرة قوي هي أصلا مش بتاعته . محمد إنت ذكي جدا وهتعرف تقعد مع نفسك وتحط إيدك على الصح .. ربنا يعديك من المحنة دي على خير" .

بداية الأزمة التي يواجهها محمد رمضان كانت مع نشر الإعلامي الإماراتي حمد المزروعي ، صورة يظهر فيها مع رمضان ، وإلى جوارهما المطرب الإسرائيلي عومير آدام ، التقطت لهم في مدينة دبي .

المزروعي علّق على الصورة التي نشرها عبر حسابه على "تويتر" قبل أن يحذفها ، قائلا : "أشهر فنان في مصر مع أشهر فنان في إسرائيل ، دبي تجمعنا" .

وعقب ذلك ، نشرت الصفحة الرسمية بالعربية لدولة إسرائيل عبر موقع "فيسبوك" ، الصورة نفسها ، وعلّقت "إسرائيل تتكلم بالعربية" على الصورة بقولها : "الفن دوما يجمعنا .. النجم المصري محمد رمضان مع المطرب الإسرائيلي عومير آدام في دبي" .

وظهر رمضان في الصورة وهو يحتضن الفنان الإسرائيلي ما أثار جدلا واسعا حول الصورة منذ نشرها ، قبل أن تنتشر صور أخرى له مع نجوم إسرائيل من حفل جمعه معهم في الإمارات ، ومنهم إيلاد تسافاني ، ولاعب كرة القدم ضياء سبع .

فيما رد رمضان ونشر مقطع فيديو له وهو يلتقط العديد من الصور مع جمهوره في مطار دبي ، وعلّق عبر حسابه على موقع "إنستجرام" : "مافيش مجال أسأل كل واحد عن هويته ولونه وجنسيته ودينه .. قال تعالى : (لَكُمْ دِينُكُمْ وَلِيَ دِينِ) صدق الله العظيم .. ثقة في الله نجاح" .

وأصدرت نقابة المهن التمثيلية ، الأحد ، بيانا صحفيا بشأن أزمة محمد رمضان ، ويشير البيان إلى اجتماع طارئ مع اتحاد النقابات الفنية يوم الاثنين في تمام الساعة الخامسة مساء لاتخاذ القرارات الحاسمة في هذا الشأن .